Sabina Sharipova joriy yildagi ilk turnirida ishtirok etdi

Ayollar o‘rtasida O‘zbekistonning birinchi raketkasi Sabina Sharipova joriy yildagi ilk musobaqasida ishtirok etdi.

"ITF Kazakhstan 01A" turnirining birinchi tartib raqam ostida saralangan tennischisi hisoblangan hamyurtimiz chorak final bosqichida o‘z yurishini to‘xtatishga majbur bo‘ldi. Rossiyalik Anastasiya Tixonovaga qarshi kortga chiqqan vakilamiz ikki setda imkoniyatni boy berdi.

Avvalroq, Sharipova 1/16 bosqichida rossiyalik Ekaterina Maklakovani, 1/8 final bosqichida mezbonlar sharafini himoya qilgan Aruzxan Sagandikovani turnirdan chiqarib yuborgandi.