Садио Мане АПЛда март ойининг энг яхши футболчиси деб топилди

Англия премьер-лигасида ўтган март ойининг энг яхши футболчиси номи эълон қилинди.

Ташкилот расмий сайти тарқатган хабарга кўра "Ливерпуль" вингери Садио Мане барчадан кўп овоз тўплаган ҳолда ушбу совринни қўлга киритди.

Таъкидлаш керакки, номзодлар орасида шунингдек Шеймус Коулмен ("Эвертон"), Эндрю Робертсон ("Ливерпуль"), Бернарду Силва ("Манчестер Сити"), Жейми Варди ("Лестер") ва Жеймс Уорд-Проус ("Саутгемптон") каби футболчилар ҳам бор эди.

Эслатиб ўтамиз, Мане ўтган март ойида АПЛда жами 4та ўйинда майдонга тушиб, ўз ҳисобига 3та гол ҳасда 1та голли узатма ёздириб қўйишга эришди.