Садио Мане яна бир рекорд ўрнатди

Сенегал терма жамоаси ҳужумчиси Садио Маненинг голи Африка кубоги рекордини янгилади.

Гап шундаки, Африка Миллатлар кубогининг ярим финалидан ўрин олган Сенегал ва Миср терма жамоалари ўртасидаги учрашув бўлиб ўтди. Баҳснинг 78-дақиқасида Сенегал терма жамоаси етакчиси Садио Мане ўйиндаги голни уриб, Муҳаммад Салоҳ етакчилигидаги Мисрни мусобақадан чиқариб юборди. Ушбу гол Марокашда давом этаётган Африка Миллатлар кубогидаги 120-гол бўлди ва рекордга айланди. Бундан аввал 2023 йилдаги қитъа биринчилигида 119та гол урилган эди. Сенегал терма жамоа финалда мезбон Марокаш терма жамоасига қарши майдонга тушади.

Маълумот учун, финал учрашуви 18 январь куни тунги соат 00:00да старт олади.