Садоқат рамзи! Модрич "Ан-Наср"нинг супер таклифини рад этди

"Реал" ярим ҳимоячиси Лука Модрич фаолиятини Мадрид клубида якунлаш ниятида. Бу ҳақда бир қатор манбалар хабар бермоқда.

Таъкидланишича, хорватиялик хавбек "Ан-Наср" клубининг 40 миллион евролик таклифини рад этди ва карьерасини "Реал"да тугатишни истаётганини маълум қилган. 

Аввалроқ, Лука жамоадаги асосий роль тақдим этилмаса, "қаймоқранглилар"ни тарк этиши ҳақида хабарлар чиқаётганди. 

Жорий мавсумда у "Реал" сафида жами 23 учрашувда майдонга тушиб, 5 та гол ҳамда 2 та ассист муаллифига айланди.