Саидёқуб Қаҳрамоновнинг UFCда навбатдаги рақиби ва жанг санаси маълум бўлди

Ўзбекистонлик UFC жангчиси Саидёқуб Қаҳрамоновнинг (9-2) навбатдаги жанг санаси ва рақиби маълум бўлди. Ҳамюртимизнинг жаҳоннинг энг нуфузли промоушенидаги 2-жанги 2022 йилнинг 15 январь куни бўлиб ўтади. 

АҚШнинг Лас-Вегас шаҳрида ташкил қилинувчи UFC APEX турнирида юртдошимизга мезбонлар вакили Брайан Келлехер (23-12) рақиблик қилади. 

Маълумот учун, ўта енгил вазн (61.2 кг) тоифасида фаолият юритаётган Қаҳрамонов UFCдаги дебютини 21 август куни Тревин Жонсга қарши ўтказиб, "гильотина" услуби билан рақибини мағлуб этганди. 

Юртдошимиз ўзининг Instagram саҳифасида ушбу жанг борасида ҳам ўз фикрларини билдириб ўтди. 

"Фаолиятимда биринчи марта 12 ҳафта олдин жангни қабул қиляпман. Бу саргузаштдан мамнунман. UFC ва менежерларимга раҳмат айтаман", -деди Қаҳрамонов.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию