Саккизта гол Мбаппени энг қиммат ўйинчига айлантирди

Transfermarkt портали Қатарда ўтказилган жаҳон чемпионатидан кейин мусобақада иштирок этган футболчиларнинг янги трансфер суммаларини эълон қилди.

Унга кўра, жаҳон чемпионатида саккизта гол билан тўпурарлар баҳсида ғолиб чиққан Килиан Мбаппе дунёнинг энг қиммат ўйинчиси сифатида эътироф этилди.

ПСЖ ҳужумчисининг нархи 20 миллион еврога қимматлаб, энди 180 миллион еврони ташкил қиляпти.

Жаҳон чемпионати қатнашчилари орасида энг қиммат ўйинчилар учлигига Англия терма жамоаси ўйинчилари - 110 миллион еврога баҳоланаётган Жуд Беллингем ва 100 миллион евро турадиган Букайо Сака ҳам киритилди.