Салиба "Арсенал" билан янги келишувга эришди. У энди бошқа рақам остида тўп тепади (фото)

"Арсенал" клуби ҳимоячи Вильям Салиба билан шартномани узайтирди. Бу ҳақда клуб расмий сайти хабар берди. 

Янги келишувга кўра, француз 2027 йил июнь ойига қадар "канонирлар" сафида тўп тепади. У жамоада энди янги рақам остида тўп тепади. Ҳимоячига 2-рақам топширилди. 

Маълумот ўрнида, футболчига ПСЖ клуби жиддий қизиқиш билдираётгани ҳақида хабарлар тарқалганди. Бироқ Салиба Лондон клубида қолишга қарор қилди.