Салкам 3 ой олдин расмий ўйинда майдонга тушган Остон Ўрунов Ўзбекистон терма жамоасидан чақирув олди

Ярим ҳимоячи Остон Ўрунов Ўзбекистон миллий терма жамоасининг сентябрь ойидаги йиғинга чақирилди. Бу ҳақда “Урал” клуби матбуот хизмати хабар берди. Яқинда 21 ёшли ярим ҳимоячи "Спартак" билан шартномасини бекор қилиб, Екатеринбург клуби билан шартнома имзолаган эди.

Айтиш жоизки, Остон Ўрунов Россия Премьер лигасининг 2022/2023 йилги мавсумида бирорта ўйинда ҳам майдонга тушмаган. Ярим ҳимоячи охирги марта июнь ойида Ўзбекистон терма жамоасининг Осиё кубоги саралаш босқичидаги беллашувда майдонга тушган эди.

Ўзбекистон миллий терма жамоаси сентябрь ойидаги йиғин доирасида иккита ўртоқлик учрашуви ўтказади - Камерун ва Коста-Рика. Шуни ҳам таъкилаш керакки, “оқ бўрилар”нинг мазкур рақиблари ноябрь ойида бошланадиган Қатардаги жаҳон чемпионатида иштирок этади.