Saloh Gvardiolani eng ko‘p "ranjitgan" futbolchiga aylandi

“Liverpul” hujumchisi Muhammad Saloh kecha APLning 29-turidan o‘rin olgan “Manchester Siti”ga qarshi bahsda raqib darvozasini ishg‘ol qildi.

E’tiborlisi, bu 30 yoshli misrlik futbolchi uchun Xosep Gvardiola jamoasi darvozasiga kiritgan 11-goli bo‘ldi. Shu tariqa Saloh Gvardiola boshqaruvidagi jamoalari darvozasiga 10 va undan ortiq gol urishga muvaffaq bo‘lgan birinchi va hozircha yagona futbolchiga aylandi.

Ma’lumot uchun, Saloh joriy mavsum “Liverpul” safida Premer-ligada jami 27 ta o‘yinda maydonga tushdi va o‘z hisobiga 11 ta gol hamda 7 ta golli uzatma yozdirib qo‘ydi.