Салоҳ “Ливерпуль” ўрнига ҳужумчи олаётганини билиб қолди ва яна норозилик билдирди

Ўтган чемпионатда “Ливерпуль”нинг Англия Премьер-лигасида ғолиб чиқишига катта ҳисса қўшган Муҳаммад Салоҳнинг бу мавсум боши муаммолардан чиқмайдиган кўринади.

Яқинда захирага ўтқазиб қўйилганига эътироз билдириб клуб раҳбарияти ва бош мураббий Арне Слотни оммавий тарзда танқид қилган мисрлик футболчи вазиятни барқарорлаштириш бўйича амалга оширилган чора-тадбирлардан кейин яна майдонга туширилган эди.

Энди Муҳаммад Салоҳ клуб мутасаддилари унинг позициясига “Борнмут”дан Антуан Семеньони олиб келиш ҳаракатига тушганини билиб қолди. Бу ҳолат 33 ёшли футболчида яна норозилик келтириб чиқарди.

Салоҳ журналистларга берган интервьюсида клубда кимдир унинг кетишини истаётганини таъкидлаган.

Football Transfers нашрининг ёзишича, Муҳаммад Салоҳ интервьюсида назарда тутган шахс “Ливерпуль”нинг спорт директори Майкл Эдвардс экан.