Салоҳ "Ливерпуль"да Торрес ва Суаресни ортда қолдирди

"Ливерпуль" клуби форварди Муҳаммад Салоҳ бугун "Борнмут"га (2:1) қарши ўйинда гол урди.

Sky Sports нашри тарқатган хабарга кўра 27 ёшли мисрлик футболчи мерсисайдликлар сафидаги 100-ўйинида 70-голини урди. У бу борада Фернандо Торресни ортда қолдирди. Испаниялик футболчи "Ливерпуль"даги дастлабки 100 та ўйинида 63 та гол урган эди.

Таъкидлаш керакки, Луис Суарес ва Робби Фаулер дастлабки 100 та ўйинида  62 тадан гол уришган. Майкл Оуэн 54 та, Садио Мане 50 та тўп киритган.