Салоҳ "Ливерпуль"га босим қиляпти

"Ливерпуль" ҳужумчиси Муҳаммад Салоҳ ҳали ҳам клубда қолишга умид қилмоқда.  

Яқинда берган интервюсида мисрлик футболчи очиқчасига клубни тарк этиши мумкинлигини айтиб ўтди. Унинг шартномаси июнь ойи охирида якунланади.  

Журналист Санти Аунанинг маълумотига кўра, оммага билдирилган баёнотларга қарамай, Салоҳ ҳали ҳам шартномани узайтиришни ва "Ливерпуль"да ўйнашда давом этишни афзал кўради. Юлдуз ҳужумчи бу гаплари билан "қизиллар" раҳбариятига босим ўтказишга ҳаракат қилмоқда.  

Маълумки, вазиятни ПСЖ вакиллари яқиндан кузатмоқда ва улар аллақачон Салоҳнинг агентлари билан боғланган. Шунингдек, 32 ёшли футболчига Саудия Арабистони клублари ҳам қизиқиш билдираётгани айтилмоқда.