Салоҳ: "Паненкани мендан бошқа ҳеч ким уролмасди"

Миср терма жамоаси вингери Муҳаммад Салоҳ Австралия устидан қозонилган ғалабадан (1:1, пен. 4:2) кейин ўз фикрлари билан ўртоқлашди.
⠀
Мисрликлар Жаҳон чемпионати 1/16 финалида Австралияни пенальтилар сериясида мағлуб этиб, турнирнинг кейинги босқичига йўл олди. 34 ёшли Салоҳ эса серияда паненка услубида гол уриб, жамоасининг ғалабасига ҳисса қўшди.
⠀
"Бу тарих. Учрашув олдидан жамоадошларимга айтдим: биз футболчи орзу қиладиган энг катта саҳнадамиз. Шунинг учун ўйиндан завқ олишимиз ва босимга таслим бўлмаслигимиз керак.
⠀
Ғалаба қозонганимиздан жуда хурсандман. Рақибга омад кулиб боқмади, аммо биз бугун тарих яратдик", — деди Салоҳ.
⠀
Паненка услубидаги пенальти ҳақида гапирар экан, мисрлик юлдуз шундай деди:
⠀
"Агар буни кимдир уддалай олса, у мен бўламан! Мен жамоадошларимдан тажрибалироқман ва уларга ишонч бағишлашни истадим. Охирги дақиқада айнан шундай зарба беришга қарор қилдим", — деди Салоҳ.