Салоҳ: "Реал"дан қасос олиш вақти келди"

"Ливерпуль" футболчиси Муҳаммад Салоҳ "Вильярреал"га қарши ўйиндан сўнг жамоасининг финалдаги рақиби ҳақида гапириб ўтди.

"Мен "Реал"га қарши ўйнашни хоҳлайман. Улар бизни финалда мағлуб этганди. Келинг, яна бир бор куч синашиб кўрамиз. Менимча, қасос оладиган вақт келди. 

Сўнгги 5 йил ичида 3 марта ЕЧЛ финалига чиқдик. Бу қойилмақом натижа. Бугун биз буни нишонлаймиз. Бироқ эртага яна эътиборимизни олдинда кутиб турган муҳим ўйинга қаратамиз. 

Жамоа учун боримни беришга тайёрман. Клуб аллақачон битта совринни қўлга киритди. Олдинда Англия кубоги финали, чемпионлар лигаси финали ва АПЛдаги катта аҳамиятга эга беллашувлар кутмоқда. 

Мен барча мусобақаларда зафар қучишни истайман. Ҳар доим АПЛда ҳам, ЕЧЛда ҳам ғолиб бўлишни мақсад қилганман. Бу сафар мақсадимга жуда яқин келдим" - деди мисрлик футболчи.