Салоҳ Саудия клубига ўтишга рози бўлганди

Муҳаммад Салоҳ "Ал-Иттиҳод"га ўтишга яқин келганди. 

Хабар қилинишича, ёзги трансфер ойнасида Саудия Арабистони клуби мисрлик 31 ёшли вингер учун 200 миллион фунт стерлинггача таклиф қилишга тайёр эди.

Араб нашри “Asharq аl-Аwsаt” хабарига кўра, футболчи ўз агенти орқали ўтишга рози бўлганидан сўнг, “Ал-Иттиҳод” Муҳаммад билан шартнома имзолашга тайёр эди.

Шундай бўлса-да, “Ливерпуль” хўжайинлари, бош директор ва бош мураббий Юрген Клопп саудияликларнинг катта молиявий таклифига қарамай, футболчи клубда қолишини таъкидлади.