Самарқандда бокс бўйича катталар ўртасида Ўзбекистон чемпионати старт олди
Ads

Бугун шаҳардаги Олимпия захираларини тайёрлаш марказида баҳсларга старт берилди. Бу ҳақда МОҚ расмий сайти хабар бермоқда.

Мусобақада юртимизнинг турли худудларидан 277 нафар чарм қўлқоп устаси иштирок этмоқда. Ўзбекистон бокс федерацияси матбуот хизматининг хабар беришича, беллашувларда Ҳасанбой Дўсматов, Иқболжон Холдоров, Рустам Тўлаганов, Бобоусмон Батуров, Миразиз Мирзаҳалилов каби боксчиларимиз ҳам совринли ўринлар учун кураш олиб борадилар.

Баҳслар 8 та вазн тоифасида (-52, -57, -63, -69, -75, -81, -91, ва +91 кг) ўтказилади. Чемпионат 17 декабрга қадар давом этади.