Самир Ханданович пеналтиларни неча фоизини қайтара олди?

"Интер" дарвозабони Самир Ханданович Италия чемпионати 19-тур "Аталанта"га қарши ўйинда жамоасининг дурранг натижа қайд этишида муҳим рўл ўйнади.

Словениялик дарвозабон учрашувнинг 88-дақиқасида Луис Муриэлнинг пенальтидан йўллаган зарбасини қайтара олди.

Ушбу натижа Ханданович учун Италия А сериясидаги 24-си бўлди. Бунгача унинг дарвозасига жами 79 маротаба пенальти белгиланган эди. Яъни у 30 фоиз ҳолатда ўз дарвозасини 11 метрлик зарбадан сўнг голдан сақлай билган.