Sampaoli: JCh-2018 bu Messining boshiga qo‘yilgan to‘pponchadir, agar u chempion bo‘la olmasa otiladi

Argentina terma jamoasi bosh murabbiyi Xorxe Sampaoli Rossiyada bo‘lib o‘tadigan mundial jamoa etakchisi Lionel Messi uchun qanday ahamiyatga ega ekanligi haqida to‘xtalib o‘tdi.

“JCh-2018 bu Messining boshiga qo‘yilgan to‘pponchadir, agar u chempion bo‘la olmasa otiladi.

Jamoaning salbiy o‘yini Messining atrofdagi obro‘siga putur etkazadi. Natijada esa u o‘zining bor iste’dodini ko‘rsata olmasligi mumkin.

Aytishim mumkinki, men ayni damda dunyo futboli tarixidagi eng kuchli futbolchini shug‘ullantiryapman. Bu yigit so‘nggi 10 yillikdan buyon eng zo‘r futbol namoyish etib kelmoqda”, - deydi Sampaoli o‘zining yangi kitobida.