Сампсон Левкович:

Бироз авал маълум қилганимиздек, профессионал боксчимиз Қудратилло Абдуқаҳҳоров Сампсон Левковичга тегишли “Sampson boxing” промоутерлик компанияси билан шартнома имзолаган эди.

Бу борада боксчимиз ўз фикрлари билан ўртоқлашди.

Сампсон Левкович ва “Sampson boxing” билан шартнома имзолагнимдан жуда ҳам хурсандман. Мен Эррол Спенс билан IBF камари учун жанг қилишга 19 ойдан буён мажбурий даъвогар ҳисобланаман. “Sampson boxing” ва PBC билан ишлаш жараёнида энг зўрлари билан жанг қилишни истайман. Бу шартнома менга ўзим хоҳлаган жангларни олишимга имкон беради”,- дея ўз мулоҳазаларини билдирди Абдуқаҳҳоров.

Шу ўринда таъкидлаб ўтиш лозимки, “Sampson boxing” профессионал бокс оламидаги энг нуфузли промоутерлик компанияси PBC билан ҳамкорликда жанглар ташкил қилади.

Шунингдек, ҳамюртимизнинг менежери Викрам Свапрагасам ҳам ўз фикрларини билдириб ўтди.

“Сампсон бизга PBC билан ишлаш жараёнида кўпроқ жанглар беради. Унинг қўл остида 66 кг вазн тоифасидаги чемпионлар бор. Сампсон Левковични анчадан бери биламиз. У ўз сўзини устидан чиқадиган инсон!”,- деди ҳамюртимизнинг менежери.

Сампсон Левковичнинг ўзи ҳам ушбу шартнома ва юртдошимизга боғлиқ режалари борасида сўз юритди.

Абдуқаҳҳоровга март ойида битта жанг ташкил қиламиз ва ундан сўнг Эррол Спенсга қарши даъвогарлик жангини уюштиришга ҳаракат қиламиз. Эҳтимол, унинг дастлабки жанги Шон Портер билан ҳам бўлиши мумкиндир”,- дея такидлаб ўтди, Левкович.

Қудратилло Абдуқаҳҳоров янги промоутерлик компанияси билан шартнома имзолади

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Baxil Alihuja
05/01/2021 14:00
Бор экан-ку! Спенс 2йилдан бери кочиб юрибди! Кудратилла хам бироз PR килса яхши булар эди. Спенсни ногиронлар аравачасига тикаман, бутун умр дори-дармон билан утади деб, 1-2 хакорат килса шу захотиёк жанг буларди.