Санчони сотиб ололмаган МЮ энди "Барселона" футболчисини кўзламоқда

"Манчестер Юнайтед" клуби "Боруссия" Дортмунд вингери Жейдон Санчонинг трансфери барбод бўлгач, унинг ўрнига муносиб номзод қидиришни бошлаб юборди.

ESPN нашри тарқатган хабарга кўра, манкунианликларнинг бу борадаги эътибори "Барселона" вингери Усмон Дембелега тушган. МЮ франциялик футболчининг ижараси борасида норасмий музокаралар ўтказгани ҳам айтилмоқда.

Каталонияликлар эса, Дембелени 56 млн еврога баҳоламоқда. У мавсумнинг асосий қисмини доимгидек жароҳатидан даволаниш учун сарфлади ва бор йўғи 9 та ўйинда майдонга тушиб, 1 та гол урди.