Санжар Шоаҳмедов "Металлург" билан шартнома тузди

Про лига вакили - "Металлург" клуби бугун трансферларини бирин-кетин эълон қилиб боряпти. Суҳроб Султонов, Владимир Бубанья ва Мирзохид Ғофуровдан кейин энди Санжар Шоаҳмедов ҳам бекободликлар билан шартнома имзолаганлиги маълум қилинди.

Маълумот учун, Шоаҳмедов 1990 йил 23 сентабрь куни Тошкентда таваллуд топган. Фаолияти давомида футболчи ОКМК, "Локомотив", "Ал Сайлия" (Қатар), "Терренгану" (Малайзия),   "Қизилқум", "Динамо", "Сўғдиёна" ва "Хоразм" каби клубларда тўп тепган.

Эслатиб ўтамиз, Санжар Шоаҳмедов ўтган мавсум "Хоразм" клуби сафида ҳаракат қилди. Суперлиганинг 14 та ва Ўзбекистон Кубоги доирасидаги 4 та учрашувда майдонга тушган ярим ҳимоячи 4 та ассист муаллифига айланган.

Санжар Шоаҳмедов
Туғилган санаси: 23.09.1990 
Туғилган жойи: Тошкент 
Бўйи: 1.73
Амплуаси: Ярим ҳимоячи