“Сантос” олти кун олдин келган Робиньони қизни зўрлагани учун ҳайдади

“Сантос” клуби юлдузлик онлари “Реал”, “Милан” ва “Манчестер Сити”да ўтказган Рабиньо билан 11 октябрь куни тузилган шартномани бекор қилди.

Бунга машҳур футболчи бир қизни гуруҳ бўлиб зўрлаганликда айблангани сабаб бўлди. “Сантос” футболчи ўзини судда ҳимоя қилиш учун кўпроқ вақтга эга бўлиши учун уни ишдан бўшатди.

Робиньо 2013 йили Милан шаҳрида ҳам бир қизни гуруҳ бўлиб зўрлаганликда айбланган. 2017 йилнинг 23 ноябрь куни Милан суди ҳужумчи ва яна беш кишини 22 ёшли албан қизини зўрлашда айбдор, деб топган. Ўшанда Робиньо ўз айбини тан олмаган ва аппеляция берган эди.