Саралашдан жаҳон чемпионатига чиққан илк терма жамоа маълум

Футбол бўйича Германия терма жамоаси Қатарда бўлиб ўтадиган 2022 йилги жаҳон чемпионатга саралаш ўйинлари орқали йўл олган биринчи жамоага айланди.

Немислар 12 октябрь куни "ЖЧ-2022" саралаш босқичи Европа минтақаси "J" гуруҳи 8-турида Шимолий Македонияни 0:4 ҳисобида мағлубиятга учратди.

Мазкур ғалабадан кейин Германия жаҳон чемпионати йўлланмасини 2 тур аввал қўлга киритди.

Маълумот учун, 2022 йилнинг 21 ноябрь–18 декабрь кунлари ўтказиладиган турнирда 32 терма жамоа иштирок этади. Мезбон жамоа ҳисобланмиш Қатар тўғридан-тўғри мусобақанинг финал босқичида иштирок этади.