Sardor Rashidov va OFKning eng yaxshi futbolchisi Ali Mabxud Toshkentga keladi

Bir necha daqiqa oldin Malayziyada OChL-2018 o‘yinlariga qur’a tashlandi. Unga ko‘ra O‘zbekiston nomidan ishtirok etadigan “Lokomotiv”, “Nasaf”, “Paxtakor” A, V va S guruhlaridan o‘rin olishdi.

Agar Shota Arveladze shogirdlari Qatardagi o‘tish o‘yinida “Al-Garafa”ni mag‘lub eta olishsa, guruh bosqichiga yo‘l olishadi. Guruh bosqichida esa “sherlar” Sardor Rashidov faoliyat olib borayatgan “Al Jazira” bilan kuch sinashishadi.

Xabaringiz bor, BAA klubi safida bir necha kun oldin OFK tomoning yilning eng yaxshi futbolchisi deb topilgan Ali Mabxud to‘p tepadi. Shunday ekan “Paxtakor” guruh bosqichiga chiqa olsa ushbu yulduzlar Toshkentga keladi!