Sardor Rashidovning jamoasi bugun asosiy raqobatchisiga qarshi maydonga tushadi

Hamyurtimiz Sardor Rashidov to‘p suradigan “Nasonal” klubi bugun Portugaliya Primeyra ligasida navbatdagi uchrashuvini o‘tkazadi.

Madeyraliklarga bu safar “Riu Ave” klubi raqiblik qiladi. Ta’kidlash lozimki, ayni damda “Nasonal” 26 ochko bilan 14-pog‘onada borayotgan bo‘lsa, hisobida 29 ochko bo‘lgan “Riu Ave” jadvalning 10-pog‘onasidan joy olgan. Shundan kelib chiqib aytish mumkinki ushbu jamoalar o‘zaro raqobatchi hisoblanadi.

Eslatib o‘tamiz, “Nasonal” - “Riu Ave” bahsi Toshkent vaqti bilan soat 21:00da boshlanadi.