Сардор ёзда Мадрид гранди сафига ўтиши мумкин

Санкт-Петербургнинг "Зенит" клуби форварди Сардор Азмун фаолиятини Мадрид гранди сафида давом эттириши мумкин.

Corriere del Mezzogiorno нашри тарқатган хабарга кўра, 25 ёшли эронлик футболчига "Атлетико"дан қизиқишлар бўлмоқда. "Матрасчилар" Сардорни яқинлашиб келаётган ёзги трансферлар давридаёқ ўзлариники қилиб олишмоқчи.

Питерликлар эса унинг трансферини 35 миллион еврога баҳолашмоқда. Азмунга АПЛ ва А Сериядан ҳам харидорлар бор.

Сардор Азмун жорий мавсум “Зенит” сафида 18 та ўйинда майдонга тушди ва ўз ҳисобига 14 та гол ҳамда 6 та голли узатма ёздириб қўйишга эришди.