Саррини эски иш жойида кутишмоқда

Маурицио Сарри янги мавсумда "Наполи" бошқарувига қайтиши мумкин, дея хабар бермоқда Tuttosport.

Нашрга кўра, неаполликлар раҳбарияти жамоа устози Женнаро Гаттузони мавсум сўнггида истеъфога чиқариб, унинг ўрнига 62 ёшли мутахассисни олиб келмоқчи.

Сарри 2015-18 йиллар мобайнида "Наполи"ни бошқарганидан сўнг, "Челси"га йўл олди ва жамоа билан Европа Лигасини қўлга киритди. Кейинги мавсумни "Ювентус"да ўтказиб, скудеттога эга чиққан мутахассис 2020 йил ёзидан буён эркин агент мақомида турибди.

Жорий мавсумда "Наполи" Италия чемпионати 23 туридан сўнг, 40 очко билан еттинчи поғонани банд этган.