Саудия Арабистони бош мураббийи: "Эртага Кубокни ютиб, 2 йилдан кейин Олимпия йўлланмасини қўлга киритишни истаймиз!"

19 июнь куни "Бунёдкор" стадионида U-23 Осиё Кубоги финал баҳси ўтказилади. Ўзбекистон олимпия терма жамоаси Саудия Арабистонига қарши майдонга чиқади. Бугун учрашув олдидан матбуот анжумани ташкил этилди. Унда меҳмонлар устози Саад ал-Шаҳри ва футболчи Ҳусаин Алисса иштирок этишди.

"Биз эртага кубокни ютиб, 2 йилдан кейин Олимрия йўлланмаси қўлга киритишни истаймиз. Биз учун ҳар бир баҳс муҳим. Мақсадимиз чемпионлик. Аммо Париж йўлланмасини ҳам муҳим. Шунинг учун таркибимизда 10 га яқин ёш футболчи бор.

Ўзбекистон яхши жамоа, биз бир-биримизни яхши таниймиз. Эртага тактик жиҳатдан яхши ҳаракат қилиб, ўйиндан роҳат олишни истаймиз. 

Ҳар икки жамоа ҳужум ва ҳимояда бирдек яхши ҳаракат қилади. Шу сабабдан эртага нима бўлишини тахмин қилиш мушкул. Шу пайтгача бирорта гол ўтказиб юбормадик. Эртага ҳам дарвозамиз дахлсизлигини сақлаб қолишга ҳаракат қиламиз. 

Худо хоҳласа, барча эҳтимолий ҳолатга тайёргарлик кўриб, якунда зафар қучишни истаймиз. Биз бу ерга бутун халқимизни хурсанд қилиш учун келганмиз. Эртага кўпроқ югуриб, яхшироқ жанг қилишга ҳаракат қиламиз.

Бу жамоа аввалгиларидан фарқ қилади. Улар билан анчадан бери биргамиз. Шунингдек, рақиб билан ҳам аввал бир неча марта тўқнаш келганман. Уларни яхши биламан, дейишим мумкин."

Ҳусаин Алисса

"Саудия чемпионатида биз рақиб жамоа мухлислари босимига кўп дуч келамиз. Менимча бу ортиқча қийинчилик туғдирмайди".