Саудия Арабистони чемпионати. Роналду тўпурарлар пойгасида нечанчи ўринда?

Саудия Арабистони чемпионатининг 18-туридан ўрин олган баҳсда "Ан-Наср" сафарда "Дамак"ни йирик 3:0 ҳисобида таслим этди. Учрашувдаги голларнинг барчасини Криштиану Роналду ўз номига ёздириб қўйди.

Шу тариқа, португалиялик форвард Саудия Арабистони чемпионатидаги голлари сонини 8 тага етказиб олди ва тўртинчи ўринга кўтарилди. Унинг жамоадошни Андерсон Талиска 13 та гол билан пешқадамлик қилмоқда.