Саудия чемпионати раҳбари Мугарбел: "Винисиусни хоҳлаган жамоамиз сотиб олиши мумкин"

"Реал Мадрид" шарафини ҳимоя қилаётган Винисиус Жуниор Саудия Арабистони чемпионатига кўчиб ўтиши мумкинлиги ҳақида миш-мишлар чиқа бошлади. Мазкур трансфер ҳақида Саудия Про-лигаси рахбари Умар Мугарбел ўз фикрларини билдириб ўтди.

“Бизда турли хил даражадаги клублар бор. Бу трансфер дунёнинг барча лигаларида содир бўлиши мумкин. Бизнинг чемпионатимизга Винисиусдек юлдуз ўйинчиларни жалб қила оладиган жамоалар ҳам етарлича топилади. Бугун клубларимизда иқтидорли футболчиларни олиб келиш учун барча зарур нарсалар мавжуд. Бразилиялик ҳужумчи билан нима бўлишини эса вақт кўрсатади" - деди Мугарбел "АS" нашрига берган интервьюсида. 

Маълумот ўрнида, 24 ёшли вингернинг "қироллик клуби" билан амалдаги шартномаси 2027 йилнинг 30 июнида ўз ниҳоясига етади. Унинг Тransfermarkt порталидаги нархи 200 миллион евро деб баҳоланмоқда.