Саудия клубларининг "Реал" етакчиларига бўлган қизиқиши тўхтамаяпти. Аммо...

Саудия Арабистони клублари "Реал" Мадриднинг бир қатор етакчи футболчиларига қизиқиш билдирмоқда. Яқинда ОАВда Винисиус Жуниорнинг кетиши мумкинлиги ва унинг учун Саудия клуби 1 миллиард евро тўлашга тайёр эканлиги ҳақида миш-мишлар тарқалди.

Шунингдек, номи ошкор этилмаган Саудия клубларининг қизиқишлари рўйхатида Эдер Милитао ҳам бор. Нуфузли инсайдер Фабрицио Романонинг сўзларига кўра, бу маълумотлар асосга эга – “қироллик клуби” юлдузларига Саудия Арабистонида ҳақиқатан ҳам талаб катта.

Бироқ, улар яқин келажакда “Реал”дан кимнидир ўзига жалб қилиши жуда қийин бўлади, чунки мадридликлар раҳбарияти асосий ўйинчилардан бирортасини ҳам қўйиб юбориш ниятида эмас. Жорий трансфер ойнасида ҳеч бир юлдузга Мадрид грандини тарк этишига рухсат берилмайди.