Саудия Про лигаси. Роналду тўпурарлар рўйхатида нечанчи ўринда?

“Ан-Наср” ҳужумчиси Криштиану Роналду жароҳатдан қайтганидан сўнг илк ўйинида дубл қайд этди. У “Ан-Нажма”га қарши баҳсда 56 ва 73-дақиқаларда гол урди.

Португалиялик футболчи жорий мавсумда Саудия чемпионатида 23 та ўйинда 23 бор рақиблар дарвозасини ишғол қилди. 

Ҳозирда у тўпурарлар рўйхатида 3-ўринни эгаллаб турибди. Роналду етакчи Айвен Тоуни (“Ал-Аҳли”)дан 3 та, ҳамда Хулиан Киньонес (“Ал-Қодисия”)дан 1 та голга орқада қолмоқда.

Маълумот учун, форвард фаолиятида давомида 967 та гол киритишга муваффақ бўлган.