Сауль "Канело" Альварес жанги аукционга қўйилди

Супер ўрта вазнда вакант қолган WBC камари учун Сауль Aльварес ва даъвогар Aвни Йилдирим жангига буйруқ берилгани ҳақида хабар берган эдик. “Sky Sports” нашри хабар беришича, ушбу жангни ташкил қилиш ҳуқуқига эгалик қилиш борасида томонлар 21 сентябрь куни аукционда курашадиган бўлдилар.

Йилдиримнинг промоутери Aҳмед Онерни таъкидлашига кўра, улар Эль Хеймонга қарашли PBC промоутерлик компанияси билан ҳамкорлик ва бўлажак аукционда катта миқдорда маблағ таклиф қилиш бўйича келишувга эришган.

Сауль Aльварес эса, “Golden Boy” промоутерлик компанияси ва DAZN канали билан шартнома имзолаган бўлиб, DAZN ушбу жангни тасдиқламаслиги айтиб ўтилган. Аввалроқ, Сауль Aльварес “Golden Boy” ва DAZN устидан шикоят қилгани ҳақида ҳам маълумотлар тарқалган эди. Якун қандай кўриниш олишини тез орада билиб оламиз. Воқеалар ривожини бизда кузатиб боринг.