"Саутгемптон" - "Манчестер Юнайтед": Матнли трансляция

Ассалому алайкум, мухтарам футбол ихлосмандлари! Англия Премьер-лигаси 2-туридан ўрин олган "Саутгемптон" - "Манчестер Юнайтед" учрашуви матнли трансляция кўринишида эътиборингизга ҳавола этилади.

• 90+5'
  

  Учрашув якунланди. МЮ меҳмонда очко йўқотди!

• 90+4'

  Погбанинг узатмасидан кейин Санчо тўпга ета олмади. Хато!

• 90+2'

  Ўйин тенг курашлар остида кечмоқда. Ғалабани кимдир илиб кетса ажабланмаймиз.

• 90'
  

  Ўйиннинг асосий вақтига 5 дақиқа қўшиб берилди.

• 88'

  Санчо-Гринвуд комбинациясини Жэйдон муваффақиятли давом эттира олмади.

• 86'
  

  Неманья Матич ўрнига Жесси Лингард майдонга тушди.

• 85'

  МакТоминей марказда тактик фол билан рақибини тўхтатиб қолди.

• 83'

  Люк Шоу ҳимояда анча ишончли ҳаракат қилиб, рақибини тўхтатиб қолди. Аммо унинг жамоаси ҳамон чуқур ҳимояда.

• 81'

  "Авлиёлар" сўнгги дақиқаларда анча фаоллашиб қолди. МЮ ғалабадан тобора узоқлашиб бормоқда.

• 79'
  

  Уорд-Проузнинг стандартдан берган зарбасини Де Хеа қайтарди.

• 77'
  

  Рақибини очиқчасига тўхтатиб қолган Магуайр сариқ карточкага лойиқ кўрилди.

• 76'
  

  Фред ўрнига МакТоминей ўйинга қўшилди.

• 75'
  

  Че Адамснинг зарбаси жуда хавфли чиқди. Аммо тўп устун ёнгинасидан ўтиб кетди.

• 73'
  

  Стюарт Армстрони ўта қулай имкониятдан наф чиқара олмади. Яқин масофадан берилган зарбани Де Хеа қайтарди.

• 71'
  

  Мусса Женепо ўз ўрнини Ибрагима Диаллога бўшатиб берди.

• 69'

  Гринвуднинг зарбасига аниқлик етишмади.

• 67'

  "Қизил иблислар" босимни тобора оширмоқда. Тўлиқ устунлик улар томонга ўтиб бўлди.

• 65'
  

  Бруну Фернандешнинг бош билан йўллаган зарбасини дарвозабон қайтарди.

• 64'

  Фреднинг узатмасидан сўнг Гринвуд ноаниқ зарба берди.

• 63'

  МЮнинг навбатдаги ҳужуми ноаниқ пас туфайли охирига етмай қолди.

• 61'

  "Саутгемптон" футболчилари номдор рақибга жиддий қаршилик кўрсатмоқда.

• 59'

  Поль Погбанинг зарбасидан кейин тўп устун ёнгинасидан ўтиб кетди.

• 58'
  

  Марсьяль ўз ўрнини Жэйдон Санчога бўшатиб берди.

• 56'

  Антони Марсьяль қанотдан ёриб киришда мукаммал ўйнай олмади.

• 55'
  

  ГОООООООООООЛ! МЮ ҳисобни тенглаштирди!

  Мэйсон Гринвуд яқин масофадан берган зарбаси билан дарвозабонни ожиз қолдирди.

• 53'

  Ўйин тенг курашлар остида кечмоқда.

• 51'
  

  Фредга нисбатан қўполлик ишлатган Женепога сариқ каточка кўрсатилди.

• 50'

  Мезбонларнинг фаоллиги иккинчи таймда ҳам давом этмоқда.

• 48'

  Поль Погбанинг зарбасидан кейин тўп ҳимоячининг қўлига теккандек кўринди. Ҳакам бурчак зарбаси берди.

• 46'
  

  Иккинчи тайм бошланди!

• 45+2'
  

  Танаффус!

• 45'
  

  Биринчи таймдаги тўхталишлар ўрнини қоплаш мақсадида 2 дақиқа қўшиб берилди.

• 44'
  

  Матичнинг бош билан йўллаган зарбасини МакКарти ушлаб олди.

• 43'

  Бруну Фернандешнинг зарбасидан кейин тўп жонли девордагилардан ўтмади.

• 42'

  Жарима майдони остонасида Гринвудга нисбатан қўполлик ишлатилди. Меҳмонларда қулай имконият.

• 40'

  Армстронг мезбонларнинг хавфли қарши ҳужумини якунлай олмади.

• 38'
  

  "Саутгемптон" яна бир бурчак зарбасидан наф чиқара олмади.

• 35'

  Майдон эгалари ҳимояда анча тартибли ҳаракат қилмоқда. МЮ ҳужумда катта қийинчиликка дуч келяпти.

• 33'

  Фернандешнинг узатмасидан сўнг Уан-Биссака тўпга ета олмади.

• 31'
  

  Ҳакамга эътироз билдиргани учун Бруну огоҳлантирилди.

• 30'
  

  ГОООООООООООЛ! Учрашувда ҳисоб очилди!

  Че Адамснинг жарима майдони ташқарисидан берган зарбасини Де Хеа қайтара олмади.

• 28'

  Хазенхюттль шогирдлари фаолликни оширди.

• 26'

  Тўп ёнига яқинлашган Уорд-Проуз жарима майдонига оширган пасни МЮ ҳимоячилари қайтарди.

• 25'

  Жарима майдонидан узоқ бўлмаган ҳудудда Бруну қоида бузди. "Авлиёлар"да стандарт вазият.

• 23'

  Гринвуднинг уриниши муваффақиятсиз якунланди.

• 21'

  Фернандешнинг жарима майдонига узтган тўпи қайтарилдм.

• 19'

  Сульшер шогирдлари эрта прессинг эвазига рақибни марказдаёқ тўпсизлантирмоқда.

• 17'

  Перронинг қанотдан жарима майдонига оширган тўпига ҳеч ким ета олмади.

• 15'

  Ўйин темпи бироз пасайди. МЮ ҳамон тўпни назорат қилмоқда.

• 13'

  Поль Погба бу сафар бош билан зарба йўллади. Бу сафар тўп тўсин юқорисидан ўтиб кетди.

• 12'

  Погба яқин масофадан дарвозани нишонга олди. Тўп йўлига ҳимоячилар блок қўйишга эришди.

• 10'

  "Қизил иблислар" назоратни тобора мустаҳкамлаяпти.

• 8'

  Мэйсон Гринвуднинг жарима майдони ташқарисидан берган зарбаси бироз ноаниқ кетди.

• 7'
  

  Магуайрнинг зарбасидан кейин тўп тўсиндан қайтган Марсьялнинг такрорий уринишини ҳимоячилар чизиқ устидан қайтарди.

• 5'

  Манчестерликлар тўп назоратини қўлга олишга ҳаракат қилмоқда.

• 3'

  Майдон эгалари анча фаол старт намойиш этган ҳолда рақибни саросимага солиб қўйди.

• 2'
  

  Жэймс бурчак зарбасини ҳам тўғридан тўғри дарвозага йўллади. Ноаниқ.

• 2'
  

  Жэймс Уорд-Проузнинг стандартдан йўллаган зарбасини дарвозабон қайтарди.

• 1'
  

  Учрашувга старт берилди!

• 0'

  Футболчилар майдонга тушиб келди.