"Саутгемптон" камбек эвазига "Тоттенхэм"ни таслим этди

АПЛ 24-туридан ўрин олган "Тоттенхэм" - "Саутгемптон" учрашуви якунига етди. Унда меҳмонлар 3:2 ҳисобида ғалаба қозонди.

Мезбонлар сафида Беднарек (18-дақиқа, автогол) ва Сон (70-дақиқа) гол муаллифига айланди. "Авлиёлар"дан Броя (23-дақиқа), Эльюнусси (80-дақиқа) ҳамда Адамс (82-дақиқа) гол киритишга муваффақ бўлди.

Шу тариқа, "Саутгемптон" очколари сонини 28тага етказиб, турнир жадвалида 10-ўринга кўтарилиб олди. 

"Тоттенхэм" ҳисобида 37 очко мавжуд бўлиб, "шпорлар" жадвалнинг 6-поғонасидан ўрин эгаллаган.