Секейра "Локомотив"нинг ғалабасига қандай изоҳ берди?

“Локомотив” клуби Суперлиганинг 16-турида “Турон” клубини қабул қилиб 3:1 ҳисобида ғалаба қозонди. Мезбонлар бош мураббийи Микаэль Секейра ўйин ҳақида ўз таассуротлари билан ўртоқлашди.

- Чиройли ўйин бўлди. Икки томон ҳам иккинчи бўлимда яхши ўйин кўрсатди.

“Турон” таркибида юқори савияли футболчилар бор. Гарчи улар пастки поғонани эгаллаб турган бўлса-да, юқорига кўтарилиш учун имкониятлар етарлича.

Футболчиларимдан миннатдорман. Улар рақибни ҳурмат қилган ҳолда майдонда жанг олиб боришди. “Локомотив”ни уч очко билан табриклайман, - деди Секейра.