Сен бўлмасанг, бошқаси

“Челси” клуби анчадан бери чап қанот ҳимоячисига эҳтиёж сезмоқда. “Лестер” футболчиси Бен Чилуэлл лондонликлар учун яхши танлов бўлиши кутилаётган эди. Аммо улар Бен учун сўралаётган 80 млн еврони тўлашга қийналяпти.

Энди “аристократлар” олдида яна бир фойдали вариант пайдо бўлди. “Аякс” ҳимоячиси Николас Тальяфико фаолиятини Лондонда давом эттириши мумкин. Ўз навбатида, унинг нархи “тулкилар” аъзосиникидан анча арзон. Амстердамликлар ўз футболчисини 35 млн еврога қўйиб юборишга тайёр.

Шунингдек, “кўклар” яна бир қатор трансферлар амалга оширмоқчи. Бунинг учун уларга ортиқча ҳаражат керак эмаслиги табиий.