Сен ким бўлибсан, ҳатто Мессига ҳам асосий таркибдан жой кафолатламаганман!

“Манчестер Сити” ярим ҳимоячиси Коул Палмер ёзги трансферлар чоғида “Челси” жамоасига кўчиб ўтди.

“Аристократлар” бош мураббийи Маурисио Почеттино ҳеч бир футболчига, жумладан, 21 ёшли Палмерга ҳам ўйин вақти кафолатланмаслигини уқтирди.

- Агар кимдир футболчига ниманидир кафолатласа, бу яхши. Фақат бизда ундай эмас. Ҳар бир ўйинчи аввал меҳнат қилиши, кейин лойиқ бўлса, таркибга кириши мумкин. “Челси” бирор футболчи учун катта пул тўлагани ҳам, унга ўйин амалиёти кафолатланганидан далолат бермайди. Бу хато бўлади.

Биз ҳе қачон футболчига уни ўйнатиш ҳақида ваъда бермаймиз. Ҳатто ПСЖ учун Лионель Мессини олиб келганимизда унга ҳам асосий таркибдан жой кафолатламаганман, - деди Маурисио Почеттино.