Сен Марадона ҳам, Кейн ҳам эмассан! Нафсингни тий!

Бундеслига чемпиони “Бавария” жамоаси ўнг қанот ҳимоячиси Конрад Лаймер суперклубнинг фахрий президенти Ули Хёнесснинг яқиндаги баёнотини маъқулламади.

Мюнхен гранди раҳбарияти аъзоси ҳисобланган Хённес австриялик футболчини маош масаласида “Сен Марадона ҳам, Кейн ҳам эмассан! Нафсингни тий!” қабилидаги гаплар билан “иштаҳасини пасайтиришга” очиқча чақирган эди.

Bayern & Germany  нашри маълумотларига кўра, Лаймерга бу баёнот ёқмаган. Унинг Ули Хёнесс сўзларидан жаҳли чиққан.

Клубдаги манбаларга кўра, Лаймернинг янги шартнома бўйича музокаралари ҳали ҳам тўхтаб турибди ва вазият яқин орада ҳал бўлиши даргумон.

28 ёшли футболчининг “Бавария” билан амалдаги шартномаси 2028 йил ўртасигача мўлжалланган. Жорий мавсумда футболчи жамоа сафида 45 та ўйин ўтказиб, учта гол ва 13 та голли узатмага муаллифлик қилди.