Сергеев жамоаси Туркиядаги йиғинни якунлади

Қозоғистоннинг "Актобе" жамоаси янги мавсум олдидан ўтказилган Туркия ўқув-машғулот йиғинини якунлади. Бу ҳақда клуб матбуот хизмати хабар тарқатди.

Навбатдаги мавсумга тайёргарлик кўраётган "Актобе" таркибга бир қатор тажрибали ва ёш футболчиларни қўшиб олди. Шулар қатори Ўзбекистон терма жамоаси ва "Пахтакор" собиқ ҳужумчиси Игорь Сергеев ҳам ушбу клуб сафига эркин агент мақомида бориб қўшилди.

"Актобе" Туркиядаги сўнгги назорат учрашувда "Балтика"га имкониятни бой берганди. Ўшанда легионеримиз бир бўлим ҳаракат қилди.