Сергеев тўпурарлар жадвалида яна пешқадамликни қўлга олди!

Хабарингиз бор, Суперлиганинг 23-тури ҳам якунланмоқда. Бугун бўлиб ўтадиган 2 учрашув орқали тур ўз ниҳоясига етади. Ушбу беллашувлар олдиндан "Пахтакор" ҳужумчиси Игорь Сергеев 14 та гол билан тўпурарлар жадвалида пешқадамга айланиб олди.

Сергеев бугун бўлиб ўтган "Сурхон"га қарши учрашувнинг 90+1-дақиқасида гол уриб тўпурарлар жадвалида биринчи ўринга кўтарилиб олди. Ундан кейинги ўринни 13 та гол билан "Сўғдиёна" футболчиси Люпчо Дориев эгаллаб турибди. Жадвалнинг учинчи поғонасини эса "Насаф" ҳужумчиси Ҳусайн Норчаев 12 та гол билан банд қилмоқда. 

Маълумот учун, Суперлиганинг бу йилги мавсуми якунланишига 7 та тур қолди. Турнир жадвалида Рўзиқул Бердиев бошчилигидаги "Насаф" клуби 52 очко билан пешқадамлик қилмоқда. Иккинчи поғонани 45 очко билан Фарғонанинг "Нефтчи" жамоаси эгаллаб турган бўлса, "Пахтакор" 43 очко жамғарган холда, учинчи ўринда бормоқда.