"Севилья" навбатдаги харидини амалга оширди
Испаниянинг “Севилья” клуби ўзги трансферлардаги ўзининг навбатдаги харидини амалга оширди. Андалусияликлар бу сафар “Сампдория” ҳужумчиси Луис Мурьелни ўз сафига қўшиб олишди.
Клуб расмий сайтининг хабар беришича, 26 ёшли футболчи тез орада “Севилья”да тиббий кўрикдан ўтади ва клуб билан 5 йиллик шартнома имзолайди.
Эслатиб ўтамиз, Мурьель “Сампдория” таркибига 2015 йил “Удинезе”дан келиб қўшилган. У ўтган мавсум А Сериянинг 26та турида майдонга тушиб, рақиблари дарвозасига 11та гол уришга эришган. Шунингдек, жамоасининг 11та голига ҳам ассистентлик қилишга эришган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар