Shahobiddin Zoirov "Gubernator kubogi"da qozog‘istonlik boksiga qarshi jang qildi

"Gubernator kubogi"ning final janglari davom etmoqda. Ushbu turnirning navbatdagi final jangi -52 kg vazn toifasida o‘tkazildi.

Ushbu vaznda kechagi yarim final bahslarida juda kuchli bo‘lgan hindistonlik Amit Pangalni mag‘lub etib, hal qiluvchi bosqichga etib kelgan yurtdoshimiz Shahobiddin Zoirov yana bir jiddiy raqib qozog‘istonlik Mahmud Sabirxanga qarshi ringga ko‘tarildi. 

Barcha raundlar mobaynidakatta ustunlikka erishgan Zoirov raqibidan "klass" borasida ancha ustunligini namoyish etdi. Yakunda haqli tarzda g‘alaba qozonishi bilan birga 2021 yilgi "Gubernator kubogi"ning chempioniga aylandi.