Шаҳрам Ғиёсов 26 апрель куни рингга кўтарилади
Ads

24 февраль куни ҳамюртимиз Шаҳрам Ғиёсов Мексиканинг Тихуана шаҳрида ташкиллаштирилган бокс кечасида мезбон боксчи Эдгар Пуэртага қарши рингга кўтарилганди ва муддатидан аввал ғалабага эришганди.

- Кейинги жангим тажрибали ва кучли жангчига қарши бўлиши аниқ. Таъкидлашим жоизки, бўлажак рақибим, Маттис ва Пакьяо билан чемпионлик камари учун куч синашган боксчи бўлади. Беллашув 26 апрель куни бўлиб ўтиши режалаштирилмоқда, - деди Шаҳрам Ғиёсов SPORTS.uz сайти муҳбири билан мулоқотда.

Эслатиб ўтамиз, Ғиёсов профессионал фаолиятида еттита жанг ўтказиб еттинчи ғалабани расмийлаштирди. У жангларининг 6тасида рақибларини нокаутга учратган.