Шаҳрам Ғиёсов профессионал боксни 15 сониялик нокаут билан бошлади
Ads

Бокс бўйича Ўзбекистон терма жамоаси собиқ аъзоси Шаҳрам Ғиёсов профессионал рингда ўзининг илк жангини Нью-Йоркда ўтказди.

Нью-Йоркдаги “Kings Theater” аренасида ташкил этилган тўқнашувда у аргентиналик Николас Веласкес билан куч синашиб, жангнинг 15 сониясидаёқ рақибини техник нокаутга учратди.

Шундай қилиб, Рио Олимпиадаси кумуш медали соҳиби, Осиё ва Жаҳон чемпиони профессионал боксдаги фаолиятини мувафаққиятли бошлади.

Маълумот учун, Шаҳрамнинг рақиби 2009 йили профессионал рингда фаолиятини бошлаган ва бунга қадар 12 та жанг ўтказиб, 10 ғалаба (3 нокаут) ва 2 мағлубият қайд этган.