Shahram G‘iyosov va Murodjon Ahmadalievning qachon Toshkentga qaytib kelishi ma’lum bo‘ldi

Professional boksda faoliyat olib borayotgan bokschilarimiz Shahram G‘iyosov va Murodjon Ahmadaliev Toshkent vaqti bilan bugun tongda jang o‘tkazganliklari borasida xabar bergan edik.

G‘iyosov AQShlik Emmanuel Teylorni 10 raund davom etgan bahsda ochkolar hisobi bo‘yicha mag‘lub etib, interkontinental kamarini qo‘lga kiritgan edi.

Ahmadaliev esa meksikalik Karlos Karlsonni 3-raunddayoq ringga ag‘darish orqali o‘zining profi boksdagi oltinchi g‘alabasini qayd etdi.

Har ikkala bokschimiz 29 aprel kuni 14:00 da Islom Karimov nomidagi Toshkent xalqaro aeroportiga etib kelishi ma’lum bo‘ldi. Barcha boks ixlosmandlarini tantanali kutib olish marosimiga taklif etib qolamiz!