Shahram G‘iyosovning navbatdagi jang sanasi va raqibi ma’lum bo‘ldi

Rio Olimpiadasi sovrindori, professional boksda mag‘lubiyatsiz odimlayotgan hamyurtimiz Shahram G‘iyosov (9-0,7 KO)ning navbatdagi jang sanasi va raqibi ma’lum bo‘ldi. 

Shahram, 15 avgust kuni, AQShning Oklaxoma shtati Talsa shahrida WBA internatsional kamari himoyasi uchun meksikalik Fransisko Roxo (22-3, 15 KO)ga qarshi jang qiladi. Tabiiyki, G‘iyosov DAZN shousida ringga ko‘tariladi.

Ma’lumot uchun, yurtdoshimiz so‘ngi jangini bir yil avval ya’ni, 2019 yil 24 avgustda kolumbiyalik Derley Peresga qarshi o‘tkazib, uni nokautga uchratgan edi.