“Шапекоэнсе”нинг тирик қолган ҳимоячиси комадан чиқди ва биринчи бўлиб финал натижасини сўради

Авиахалокатга учраган “Шапекоэнсе” клуби фожеаси ҳали ҳам юракларни ларзага келтирмоқда.

A Bola нашрининг ёзишича, авиахалокатда тирик қолган жамоа ҳимоячиси Нето кома ҳолатидан чиқиши биланоқ “Атлетико Насьональ” билан дастлабки ўйин натижасини сўраган.

Эслатиб ўтамиз, Жанубий Америка футбол уюшмасининг ташаббуси билан “Шапекоэнсе” расман мусобақа чемпиони деб эълон қилинган ва Кубок ушбу жамоага топширилган эди.

Маълумот учун, авиахалокатда Нетодан ташқари заҳирадаги дарвозабон Жексон Рагнер Фоллманн ва ҳимоячи Алан Рюшеллар тирик қолишган эди.