"Шара Буллет" нега рақиб сифатида Марвин Ветторини танлаганини маълум қилди

UFC нинг россиялик ўрта вазн тоифасидаги жангчиси "Шара Буллет" номи билан танилган Шаробутдин Магомедов (12-0) нега Марвин Веттори (19-7-1) билан жанг қилишни истаётганини айтди.

“Ким билан жанг қилган бўлардингиз? Билмайман... Веттори билан. Мен аллақачон Майк Мейнарддан бу ҳақда сўрадим ва ҳаммага қўнғироқ қилиб, у билан жанг қилмоқчи эканлигимни айтдим.Унга мен билан уришиш фойда келтирмайдими? Аксинча,мендан мағлуб бўлса, у учун фалокат бўлмайди, у шундай жангларни бошидан кечирган. Менга туртки бўлган нарса шундаки, у Европадаги энг яхши UFC ўрта вазн тоифасидаги жангчи саналади. Мен россиялик энг яхши ўрта вазн тоифасидагиман, энди мен Европада биринчи бўлишни хоҳлайман”, - деди Магомедов.

Маълумот учун, Шаробуддин Магомедов UFCда битта жанг ўтказди ва унда бразилиялик Боуно Силвани очколарга кўра, мағлуб этганди.