Шахмат: Карлсен ва Горячкина рапид бўйича жаҳон чемпионлигини қўлга киритди

Магнус Карлсен 2025 йилги рапид йўналиши бўйича жаҳон чемпиони бўлди. Владислав Артемьевдан учралган мағлубият Магнус Карлсенни издан чиқармади. Ушбу мағлубиятдан сўнг норвегиялик гроссмейстер кетма-кет бешта партияда ғалаба қозонди, кейин эса Аниш Гири билан дуранг ўйнаб, мусобақани биринчи ўринда якунлади. Бу чемпионлик унвони Магнус Карлсен учун олтинчиси бўлди.

Аёллар ўртасида рапид бўйича жаҳон чемпионлиги Александра Горячкинага насиб этди. Асосий масофа якунида у Хампи Конеру ва Чжу Цзиньер билан биринчи ўринни бўлишиб олган эди. Мусобақа низомига кўра, биринчи ўрин учун Горячкина ва Чжу ўртасида тай-брейк ўтказилди. Александра биринчи партияда ғалаба қозониб, иккинчи партияни дуранг билан якунлади ва жаҳон чемпионига айланди.

29–30 декабрь кунлари блиц бўйича жаҳон чемпионати бўлиб ўтади.